کاروبار کرنے کے قانونی طریقے

اگر آپ کاروبار شروع کرنے کا سوچ رہے ہیں تو قانونی طور پر اس کے کئی طریقے ہیں۔
آپ مندرجہ ذیل طریقوں سے کاروبار کر سکتے ہیں جن کو کہا جاتا ہے۔

سول پروپرائیٹرشپ 

اس میں آپ اکیلے کام کرتے ہیں اور آپ کا کاروبار اور آپ خود ایک ہی فرد تصور کیے جاتے ہیں۔نقصان کی صورت میں تمام ذمی داری آپ کے سر پر ہوتی ہے۔

پارٹنر شپ

اس طریقے میں دو یا دو سے زیادہ افراد مل کر کاروبار کرتے ہیں اور تمام پارٹنر ذاتی ظورپر ذمہ دار ہوتے ہیں۔ منافع معاہدے کے مطابق ہوتا ہے اور نقصان سرمائے کے حساب سے۔

لمیٹڈ لائبلیٹی پارٹنرشپ 

اس طریقے میں دو یا دو سے زیادہ افراد مل کر کاروبار کرتے ہیں لیکن نقصان کی صورت میں ذاتی طور پر ذمہ دار نہیں ہوتے بلکہ پارٹنرشپ بطور ایک ادارہ ذمہ دار ہوتی ہے۔

سنگل ممبر کمپنی

اس طریقے میں ایک فرد ایک کمپنی (قانونی فرد) کو قائم کرتا ہئ۔ کمپنی کے تمام انتظامی امور بورڈ آف ڈائریکٹرز کے پاس ہوتے ہیں جس میں صرف ایک ہی ممبر ہوتا ہے۔ کمپنی بنانے والا کمپنی سے الگ فرد تصور ہوتا ہے جس کو شیئر ہولڈر کہا جاتا ہے، کسی نقصان کی صورت میں ذمہ داری کمپنی کی ہوتی ہے اور شیئر ہولڈر ذاتی طور پر ذمہ دار نہیں ہوتا۔

پرائیویٹ لمیٹڈ کمپنئ 

اس طریقے میں دو یا دو سے زیادہ افراد مل کر کاروبار کرتے ہیں اور ایک تیسرے قانونی فرد کو قائم کرتے ہیں۔ کمپنی کے تمام انتظامی امور بورڈ آف ڈائریکٹرز کے پاس ہوتے ہیں۔ کمپنی بنانے والے یا بعد میں اس میں شامل ہونے والے کمپنی سے الگ فرد تصور ہوتے ہیں جن کو شیئر ہولڈر کہا جاتا ہے، کسی نقصان کی صورت میں ذمہ داری کمپنی کی ہوتی ہے اور شیئر ہولڈر ذاتی طور پر ذمہ دار نہیں ہوتے۔

پبلک لمیٹڈ کمپنی

اس طریقے میں تین یا تین سے زیادہ افراد مل کر کاروبار کرتے ہیں اور ایک تیسرے قانونی فرد کو قائم کرتے ہیں۔کمپنی کے تمام انتظامی امور بورڈ آف ڈائریکٹرز کے پاس ہوتے ہیں۔ کمپنی بنانے والے یا بعد میں اس میں شامل ہونے والے کمپنی سے الگ فرد تصور ہوتے ہیں جن کو شیئر ہولڈر کہا جاتا ہے، کسی نقصان کی صورت میں ذمہ داری کمپنی کی ہوتی ہے اور شیئر ہولڈر ذاتی طور پر ذمہ دار نہیں ہوتے۔ پبلک لمیٹڈ کمپنی سرمائے کے لئے عوام کو شیئر جاری کر سکتی ہے۔
کاروباری ضرورت کے تحت  کو تبدیل کیا جا سکتا ہے۔