نعت شریف
تیرا کھاواں میں تیرے گیت گاواں یا رسول اللہ
تیرا کھاواں میں تیرے گیت گاواں
تیرا کھاواں میں تیرے گیت گاواں یا رسول اللہ
تیرا میلاد میں کیوں نہ مناواں یا رسول اللہ
حلیمہ گھر کدی ویکھے کدی سرکار نوں ویکھے
میں کیہڑی سیج تیرے لئی سجاواں یا رسول اللہ
میں کُج وی نہیں جے تیرے نال میری کوئی نسبت نہیں
میں سب کُچھ ہاں جے میں تیرا سداواں یا رسول اللہ
جگاؤ بھاگ میرے وی ابو ایوبؓ وانگوں
مقدر اُس دا میں کتھوں لیاواں یا رسول اللہ
میرا دل وی چاوہندا اے میرے گھر وی تُسی آؤ
تیری راہواں دے وچ پَلکاں وچھاواں یا رسول اللہ
کوئی تعریف ہووے اوس سوہنے دی ظہوؔری وی
قلم جامی جہیا کِتھوں لیاواں یا رسول اللہ
