Wednesday, April 17, 2024
Homeاسلامنعت شریفتجھے مِل گئی اِک خدائی حلیمہ

تجھے مِل گئی اِک خدائی حلیمہ

تمہیں مل گئ اِک خدائی حلیمہ ؑ
کہ ہے گود میں مُصطفائیۖ حلیمہ ؑ

کہ کم ہے ! تمہاری بڑھائی حلیمہ ؑ
زمانے کے لب پر ہے مائی حلیمہ ؑ

بہت لوریاں دیں مہِ آمنہ ۖ کو
کہاں تک ہے تیری رسائی حلیمہ ؑ

میسّر نہیں ہے کسی کو جہاں میں
وہ دولت ! جو تم نے کمائی حلیمہ ؑ

لیا گود میں جب شفیعُ الورا ۖ کو
بڑے فخر سے مسکرائی حلیمہ ؑ

رسولِ خدا ﷺ اور آغوش اُنؑ کی
وہ خدمت کے لمحے وہ دائی حلیمہ ؑ

دوعالم کی دولت مجھے مل گئی ہے
اُنہیں ۖ لے کے یہ گنگنائی حلیمہ ؑ

جو تقدیر تم کو عطاء کی خداﷻ نے
کسی اور نے کب وہ پائی حلیمہ ؑ

اُسے ۖ اپنی آغوش میں تم لیے ہو
کہ ! شاہی ہے جس کی گدائی حلیمہ ؑ

وہ عظمت ملی ہے کہ اللّٰہ اکبر !
مقدّر کہ تیری دُہائی حلیمہ ؑ

کسی کی ضیاؤں سے جگ مگ ہے عالم
مبارک ! مہِ مُصطفائی ۖ حلیمہ ؑ

نصیرؔ اپنی قسمت پہ نازاں ہو جس دم
ملے تیرے در کی گدائی حلیمہ ؑ

کلام: یہ ربیع الاول کی نعت کو لکھنے والے
مجدّدِعصر، چراغِ گولڑا، وارثِ علومِ مہرِعلیؓ، شاعرِہفت زباں، نصیرالاولیاء،نصیرِملّت، حضرت خواجہ پیر سیّد نصیرالدّین نصیرؔ گیلانیؓ گولڑوی

متعلقہ مضامین

LEAVE A REPLY

Please enter your comment!
Please enter your name here

متعلقہ