Friday, March 29, 2024
Homeاسلامنعت شریفتو شاہ خوباں، تو جان جاناں، ہے چہرہ ام الکتاب تیرا

تو شاہ خوباں، تو جان جاناں، ہے چہرہ ام الکتاب تیرا

تو شاہ خوباں، تو جان جاناں، ہے چہرہ ام الکتاب تیرا
تو شاہ خوباں، تو جان جاناں، ہے چہرہ ام الکتاب تیرا

تو شاہِ خوباں، تو جانِ جاناں، ہے چہرہ اُم الکتاب تیرا

نہ بن سکی ہے، نہ بن سکے گا، مثال تیری جواب تیرا

تو سب سے اول، تو سب سے آخر، ملا ہے حسنِ دوام تجھ کو

ہے عمر لاکھوں برس کی تیری، مگر ہے تازہ شباب تیرا

خدا کی غیرت نے ڈال رکھے ہیں تجھ پہ ستر ہزار پردے

جہاں میں بن جاتے طُور لاکھوں جو اک بھی اٹھتا حجاب تیرا

ہو مشک و عنبر، کہ بوئے جنت، نظر میں اس کی ہے بے حقیقت

ملا ہے جس کو، مَلا ہے جس نے پسینہ رشک گلاب تیرا

میں تیرے حُسن وبیاں کے صدقے، میں تیری میٹھی زبان کے صدقے

بہ رنگِ خوشبو دلوں پہ اترا ہے کتنا دلکش خطاب تیرا

ہے تو بھی صائم عجیب انساں کہ خوف محشر سے ہے ہراساں

ارے تو جن کی ہے نعت پڑھتا وہی تو لینگے حساب تیرا

متعلقہ مضامین

LEAVE A REPLY

Please enter your comment!
Please enter your name here

متعلقہ