Aqa Di Ghulami Wala Patta Gal Pa Liya
پنجابی نعت
آقا دی غلامی والا پٹہ گل پا لیا
دوزخ دی اگ کولوں پچھا چُھڑوا لیا
مدنی دے در اُتے پہنچنا سی مشکل
رو رو کے اساں سوھنے رب نوں منا لیا
میرے جیہا عاصی کِتھے طیبہ دیاں گلیاں
سمجھ نیئیں آندی مینوں کیویں بلوا لیا
اکھاں نال چمی جد طیبہ دی میں دھرتی
رب دیاں رحمتاں نے سینے نال لا لیا
دل دی اواز اِکو طیبہ رہ جاواں میں
واپس نہ ٹوریں مینوں سوھنے طیبہ والیا
ویکھ ویکھ روضہ اکھ رجدی نہ دل اے
تن دیاں لوواں نوں وی چشمہ بنا لیا
راہ کیویں بھلدا میں طیبہ ول جان دی
میں تے سی پِیر اپنا اگے اگے لا لیا
